Ministria e Shëndetësisë ka nisur shënimin e Javës së Ushqyerjes me Qumësht Gjiri, duke publikuar kalendarin e aktiviteteve të dedikuara për këtë iniciativë. Kjo javë zhvillohet me moton “Të ushqyerit me qumësht gjiri, dhurata më e çmuar për jetën!”, duke theksuar rëndësinë e ushqyerjes natyrale për shëndetin e fëmijëve. Gjatë periudhës do të organizohen aktivitete ndërgjegjësuese dhe informuese, të cilat synojnë të promovojnë përfitimet e qumështit të gjirit dhe të mbështesin nënat në këtë proces. Ministria fton qytetarët dhe institucionet që të bashkohen në këto aktivitete për të përçuar mesazhin kryesor të fushatës dhe për të rritur ndërgjegjësimin në shoqëri.