Ditët me diell dhe kombinimi i pushimit të 1 majit me fundjavën kanë sjellë një fluks të madh vizitorësh në bregdetin e Shëngjinit. Qytetarë nga Kosova dhe qytete të ndryshme të Shqipërisë po shijojnë pushimet për shëtitje dhe relaks, duke zgjedhur Shëngjinin si destinacion. Strukturat akomoduese kanë qenë të përgatitura për këtë rritje të interesit, pasi rezervimet janë bërë që më herët. Shëngjini po konfirmohet si një vend që frekuentohet jo vetëm gjatë sezonit veror, por edhe kur kushtet atmosferike janë të favorshme, duke ofruar qetësi dhe eksperiencë të këndshme për vizitorët.