George Clooney, që muajin e ardhshëm mbush 65 vjeç, ka njoftuar se do të ngadalësojë ritmin e karrierës së tij në film dhe do t’i kushtojë më shumë kohë projekteve humanitare dhe filantropisë. Ai do të fokusohet sidomos në punën me fondacionin që ka themeluar me bashkëshorten e tij, Amal Clooney, i cili angazhohet për drejtësi dhe mbrojtjen e të drejtave të njeriut. Përveç kësaj, Clooney do të bashkëpunojë me Roybal School of Film and Television në Los Angeles për të ndihmuar të rinjtë nga komunitetet më pak të përfaqësuara të hyjnë në industrinë e filmit dhe televizionit. Megjithatë, ai nuk përjashton mundësinë që të marrë rol në filma nëse i ofrohet një projekt që e intereson vërtet, duke theksuar se nuk po “vrapon më pas karrierës”, por dëshiron të bëjë gjëra që e përmbushin më shumë.