Granit Xhaka, kapiteni i kombëtares së Zvicrës, ka ndarë në një intervistë një anë më personale të jetës së tij, duke folur për familjen dhe vlerat që dëshiron t’u përcjellë vajzave të tij. Ai është baba i tre vajzave dhe thekson se familja është mbështetja kryesore dhe pika e tij e orientimit në çdo vendim të rëndësishëm. Xhaka tregon se, pavarësisht suksesit në futboll, kërkon këshilla nga prindërit dhe vëllai i tij, ndërsa ka mësuar të jetë më i duruar me kalimin e viteve. Ai dëshiron që vajzat e tij të trashëgojnë ambicien dhe vullnetin për të arritur qëllimet, ndërsa padurimin që ka pasur vetë, nuk do t’ua kalonte.