Aktorja Gresa Gashi ka reaguar fuqishëm ndaj kritikave që i janë bërë Xhuli Nurës për vendimin e saj për t’u bërë nënë e vetme. Në një video të publikuar në TikTok, Gashi theksoi se çdo person ka të drejtë të vendosë për jetën dhe trupin e vet, duke kërkuar respekt për zgjedhjet personale dhe ndalimin e paragjykimeve. Ajo nënvizoi se vendimet e tilla kërkojnë guxim dhe mendim të thellë, dhe ngriti pyetjen nëse është më mirë që një fëmijë të rritet me dashuri nga një prind i vetëm sesa në një familje ku ka dhunë dhe tradhti. Reagimi i saj ka shkaktuar diskutime të gjera në rrjetet sociale, ku shumë e kanë mbështetur përmes mesazhit të saj për liri dhe respekt ndaj zgjedhjeve individuale.