Rreziku për demencë ndikohet nga faktorë të ndryshëm, por studimet tregojnë se disa zakone të përditshme mund të ndihmojnë në ruajtjen e shëndetit të trurit. Ekspertët rekomandojnë që menjëherë pas zgjimit të kaloni 10-20 minuta në dritën natyrale të mëngjesit, pasi kjo ndihmon në rregullimin e ritmit cirkadian dhe përmirëson cilësinë e gjumit. Gjithashtu, pirja e një gote ujë ndihmon hidratimin e trurit dhe përqendrimin, ndërsa lëvizjet e lehta fizike përmirësojnë qarkullimin e gjakut dhe prodhimin e proteinave të rëndësishme për neuronet. Një tjetër këshillë është planifikimi i tri gjërave që sjellin kënaqësi gjatë ditës, pasi emocionet pozitive ndihmojnë në mbrojtjen kundër demencës dhe aktivizojnë funksionet njohëse të trurit.