Bashkëpunimi mes Comodita Home dhe UNICEF, i nisur në korrik 2025, ka filluar të japë rezultate konkrete në Shqipëri, duke përfshirë qytetin e Elbasanit. Në çerdhet “Europa”, “Mliza” dhe “Shushica”, qindra fëmijë u surprizuan me lodra edukative që ndihmojnë në zhvillimin e aftësive të komunikimit, kreativitetit dhe bashkëpunimit. UNICEF Shqipëria mbështet aktualisht 10 çerdhe publike dhe planifikon të trajnojë qindra edukatorë për të forcuar kapacitetet në zhvillimin e hershëm të fëmijëve. Përfaqësuesit e Comodita Home e konsiderojnë këtë iniciativë si një investim në themelet e së ardhmes, ndërsa stafi edukativ e vlerëson si një nga mbështetjet më të rëndësishme të viteve të fundit, sidomos për qendrat në zona rurale.