Lionel Messi ka deklaruar se në këtë fazë të karrierës ndihet më i relaksuar dhe më i hapur, ndryshe nga periudha e tij te Barcelona ku ishte i fokusuar vetëm te fitimi i trofeve. Ai pranon se më parë nuk arrinte të shijonte arritjet sepse mendonte gjithmonë për suksesin e radhës, ndërsa tani vlerëson çdo moment dhe çdo gjë që ka arritur. Messi thotë se ka folur më shumë kohët e fundit, duke u bërë më i çliruar dhe më pak i rezervuar. Aktualisht ai po jeton një kapitull të ri në karrierën e tij në SHBA me Inter Miamin, ku po reflekton mbi rëndësinë e balancës dhe gëzimit të momentit.