Migrena është një sëmundje kronike që ndikon ndjeshëm në cilësinë e jetës së pacientëve, duke i ekspozuar ata dyfish më shumë ndaj depresionit, ankthit dhe dhimbjeve kronike. Përveç këtyre, pacientët me migrenë shpesh përjetojnë edhe çrregullime respiratore dhe kanë faktorë të rrezikut kardiovaskular, gjë që kërkon vëmendje të shtuar shëndetësore. Sipas Organizatës Botërore të Shëndetësisë, migrena renditet ndër 20 sëmundjet më invalide në botë dhe ndahen në episodike dhe kronike, ku kjo e fundit karakterizohet nga dhimbje të përsëritura për të paktën 15 ditë në muaj. Shumica e pacientëve përjetojnë krizat e para në moshën 30-vjeçare, ndërsa 4% e atyre që vizitojnë neurologun vuajnë nga migrena kronike.