Moderatorja e njohur shqiptare Nevina Shtylla ka zbuluar se është në pritje të fëmijës së saj të parë, duke ndarë këtë lajm të bukur me ndjekësit përmes një postimi në Instagram. Në video ajo shfaqet me një fustan të bardhë dhe mban duart mbi barkun e rrumbullakosur, duke e quajtur këtë moment “sekretin më të ëmbël” që ka mbajtur ndonjëherë. Lajmi ka marrë menjëherë shumë pëlqime dhe urime nga miqtë, ndjekësit dhe kolegët e saj, të cilët i urojnë fat për këtë kapitull të ri në jetën personale. Nevina ka qenë gjithmonë e rezervuar për jetën sentimentale, duke konfirmuar më parë propozimin për martesë në 2023, por pa zbuluar detaje, ndërsa tani po përgatitet për ardhjen e fëmijës së parë.