Forbes ka përfshirë Shqipërinë në listën e 96 vendeve më të mira për pensionistët amerikanë që kërkojnë të jetojnë jashtë SHBA-së në vitin 2026. Në këtë listë, Shqipëria spikat për koston shumë më të ulët të jetesës krahasuar me mesataren amerikane, duke ofruar një alternativë të përballueshme për pensionistët. Destinacionet kryesore të rekomanduara janë Tirana, Durrësi, Saranda dhe Vlora, të cilat ofrojnë klimë mesdhetare, akses në qytete dhe bregdet, si dhe shërbime të mira. Vlerësimi i Forbes është bazuar në faktorë si cilësia e jetës, komoditetet, sistemi shëndetësor, rreziku klimatik dhe mikpritja ndaj pensionistëve amerikanë.