Në prag të sezonit të ri turistik, në Pogradec është ndërmarrë një aksion i gjerë pastrimi që përfshin zonën nga pika kufitare e Qafë Thanës deri në bregun e liqenit të qytetit. Në këtë iniciativë janë angazhuar ndërmarrjet e bashkisë, kompani private dhe nxënës të shkollave, me qëllim pastrimin e aksit nacional 22 km të gjatë dhe zonave përreth për të krijuar një ambient të pastër dhe tërheqës për turistët. Zv/kryetari Paskalino Ziko theksoi rëndësinë e bashkëpunimit të qytetarëve për të shmangur hedhjen e mbetjeve në mënyrë të parregullt dhe njoftoi se aksionet do të vazhdojnë edhe në një fazë të dytë. Kryeministri Edi Rama ka ndarë momente nga ky aksion në rrjetet sociale, duke theksuar përkushtimin e vendit për një Shqipëri të pastër dhe përgatitjen serioze për sezonin turistik.