Me fillimin e sezonit veror, Prishtina Mall organizoi një pritje të veçantë për mijëra bashkatdhetarë në pikat kufitare të Merdarës, Morinës dhe në Aeroportin Ndërkombëtar të Prishtinës “Adem Jashari”. Vizitorët u mirëpritën me pije freskuese dhe informacione mbi ofertat dhe aktivitetet e qendrës më të madhe të blerjeve dhe argëtimit në vend. Përveç mikpritjes, u ofruan edhe zbritje speciale nga HyperActive, duke u mundësuar bashkatdhetarëve një përvojë argëtuese dhe të veçantë gjatë qëndrimit në Kosovë. Kjo iniciativë shërbeu si një falënderim për kontributin e diasporës dhe rikonfirmoi angazhimin e Prishtina Mall për të qenë një destinacion i preferuar për të gjitha moshat gjatë gjithë vitit.