Prizreni vazhdon të jetë një nga destinacionet më të vizituara në Kosovë, duke tërhequr mijëra turistë nga rajoni dhe bota. Këtë vit, prioritet i veçantë i është dhënë turizmit rural, duke përfshirë zona si Prevalla, Nasheci dhe Malet e Pashtrikut, ku do të organizohet edhe një festival motociklizmi më 10 maj. Drejtoria e Turizmit ka njoftuar se do të licencohen udhërrëfyes të rinj për të përballuar fluksin e vizitorëve dhe për të siguruar informacione të sakta për qytetin dhe zonat përreth. Vizitorët vlerësojnë mikpritjen, trashëgiminë kulturore dhe bukuritë natyrore të Prizrenit, duke e bërë atë një destinacion tërheqës edhe në ditë me mot jo të favorshëm.