UNI – Universum International College ka lansuar programin Bachelor në Nutricion dhe Fitnes, i fuqizuar nga Arizona State University, universiteti më inovativ në SHBA. Ky program ofron një kurrikulë moderne që përfshin njohuri shkencore mbi ushqyerjen, aktivitetin fizik dhe mirëqenien, duke përgatitur studentët për të ndihmuar individët dhe komunitetet në ndërtimin e një stili jetese më të shëndetshëm. Studentët do të përfitojnë diplomë ndërkombëtare, laboratorë dhe ambiente moderne, ligjërues me përvojë profesionale, si dhe mundësi për praktikë dhe bashkëpunime me institucione shëndetësore dhe sportive. Me këtë iniciativë, UNI synon të nxisë pasionin për një jetë të shëndetshme dhe të ofrojë një rrugë të re drejt një karriere të suksesshme në fushën e shëndetit dhe performancës fizike.