UNI – Universum International College ka lansuar programin Bachelor në Nutricion dhe Fitnes, i fuqizuar nga Arizona State University, universiteti më inovativ në SHBA. Ky program i dedikohet të rinjve që duan të ndërtojnë karrierë në fushën e shëndetit, ushqimit dhe performancës fizike, duke kombinuar njohuritë shkencore me praktikat moderne. Studentët përfitojnë diplomë ndërkombëtare, laboratorë të pajisur dhe mundësi për praktikë profesionale në institucione shëndetësore dhe sportive. Ligjërues me përvojë dhe një kurrikulë bashkëkohore synojnë të përgatisin profesionistë të aftë për të promovuar një stil jetese më të shëndetshëm në komunitet.