Me ardhjen e verës dhe temperaturave të larta, humbja e kaliumit përmes djersitjes bëhet një shqetësim i rëndësishëm për shëndetin. Kaliumi është një elektrolit kyç që ndihmon në funksionimin normal të muskujve, sinjaleve nervore, ekuilibrit të lëngjeve dhe rregullimin e presionit të gjakut, duke ndikuar edhe në ritmin e zemrës. Mungesa e tij mund të shkaktojë lodhje, dobësi muskulore, ngërçe, probleme me tretjen dhe në raste të rënda aritmi apo arrest kardiak. Për të shmangur këto probleme, ekspertët rekomandojnë konsumimin e ushqimeve të pasura me kalium si kajsitë e thata, thjerrëzat, kungulli, patatet, bananet dhe produktet e qumështit.