Richard Grenell, i dërguari i posaçëm i presidentit amerikan Donald Trump për misione speciale, ka zgjedhur rivierën shqiptare për të kaluar pushimet e tij verore. Gjatë qëndrimit në Vlorë, ai është shprehur i mahnitur nga bukuritë natyrore dhe atmosfera e qytetit, duke e cilësuar atë si një vend “magjik”. Grenell ka ndarë me ndjekësit në rrjetet sociale foto dhe video të realizuara nga vetë, në mënyrë spontane dhe pa planifikim paraprak. Ky qëndrim ka shërbyer si një promovim i natyrës dhe turizmit shqiptar në një mënyrë shumë personale dhe autentike.