Gjatë ditëve të nxehta, përdorimi i klimës në veturë është i domosdoshëm për komoditet, por një funksion i zakonshëm mund të jetë i rrezikshëm nëse përdoret për një kohë të gjatë. Butoni i qarkullimit të brendshëm të ajrit (recirkulimit) ndihmon që makina të ftohet më shpejt dhe pengon hyrjen e aromave të pakëndshme nga jashtë, por kur lihet i ndezur vazhdimisht, rritet niveli i dioksidit të karbonit në kabinë dhe zvogëlohet ajri i freskët. Kjo situatë mund të shkaktojë lodhje, përgjumje dhe ulje të përqendrimit, duke rrezikuar sigurinë gjatë vozitjes. Ekspertët këshillojnë përdorimin e këtij funksioni vetëm për periudha të shkurtra dhe kontrollin e tij nëse ndihen simptoma të lodhjes apo përgjumjes.