Mjekët paralajmërojnë se përdorimi pa kontroll i pilulave hormonale për shtyrjen e ciklit menstrual mund të shkaktojë çrregullime serioze të ciklit dhe probleme të rënda shëndetësore, përfshirë mpiksjen e gjakut. Shumë gra përdorin këto tableta për të shmangur menstruacionet gjatë pushimeve, por marrja e tyre pa konsultim mjekësor rrit rrezikun, sidomos te personat me sëmundje kronike, mbipeshë apo duhanpirës. Efektet e menjëhershme mund të jenë fryrje barku, dhimbje koke dhe ndryshime në gjakderdhje, ndërsa pasojat afatgjata përfshijnë çrregullime të zgjatura të ciklit dhe komplikime serioze shëndetësore. Ekspertët rekomandojnë që pilulat hormonale të përdoren vetëm me rekomandim të gjinekologut, duke vlerësuar rreziqet individuale dhe duke shmangur përdorimin e tyre si një zgjidhje e thjeshtë për pushimet.