Ekspertët e “Imperial College London” kanë paralajmëruar për një rritje alarmante të rasteve të diabetit të tipit 2 te gratë në të 20-at në Britani, sidomos pas pandemisë së Covid-19. Analiza e të dhënave të NHS për periudhën 2011-2024 tregon se kjo sëmundje po prek gjithnjë e më shumë të rinjtë, ndërsa rastet te personat mbi 60 vjeç po bien lehtë. Shkaku kryesor i kësaj rritjeje lidhet me shtimin e obezitetit, i cili është bërë më i përhapur pas pandemisë, duke rritur rrezikun dhe ulur moshën e diagnostikimit të diabetit. Ekspertët theksojnë rëndësinë e diagnostikimit të hershëm, ushqimit të shëndetshëm dhe trajtimeve të reja për të parandaluar komplikimet serioze që lidhen me këtë sëmundje.