Një rishikim i fundit nga Shoqata Amerikane e Zemrës tregon se shumica e të rriturve mund të konsumojnë deri në pesë filxhanë kafe në ditë, pa rritur rrezikun për sëmundje kardiovaskulare. Kafenë e zezë e konsiderojnë më të shëndetshme, ndërsa shtesat si sheqeri dhe shurupet mund të zvogëlojnë përfitimet e saj. Studiuesit paralajmërojnë për rreziqet e konsumit të lartë të kafeinës nga pijet energjike, të cilat mund të shkaktojnë probleme me tensionin dhe ritmin e zemrës. Gjithashtu, kafetë e pafiltruara mund të rrisin nivelin e kolesterolit të keq, ndërsa reagimi ndaj kafeinës ndryshon sipas faktorëve individualë si mosha dhe gjenetika.