Ekspertët paralajmërojnë se mbulesat e jastëkëve të palara mund të mbajnë miliona baktere vetëm pas një jave përdorimi, duke ndikuar negativisht në cilësinë e gjumit dhe shëndetin e lëkurës. Arsyeja kryesore është akumulimi i djersës, yndyrës, qelizave të vdekura dhe mikroorganizmave që shkaktojnë irritime dhe puçrra, sidomos tek personat me lëkurë të ndjeshme. Mjeku Gareth Nye rekomandon larjen e çarçafëve dhe mbulesave të jastëkëve të paktën një herë në javë, ndërsa vetë jastëkët duhet të lahen një ose dy herë në vit, duke ndjekur udhëzimet e mirëmbajtjes. Gjithashtu, njerëzit me flokë të gjatë duhet t’u kushtojnë vëmendje të veçantë mbulesave, pasi yndyra dhe papastërtitë grumbullohen më shumë në to.