Një metodë e thjeshtë dhe efektive e ujitjes së bimëve, e quajtur “ujitje nga poshtë”, po fiton popullaritet mes adhuruesve të bimëve në shtëpi. Kjo teknikë konsiston në vendosjen e vazos në një enë me ujë, ku rrënjët thithin sasinë e duhur të lagështisë pa lagur gjethet dhe pa mbingarkuar dheun. Brad Canning, një dizajner grafik australian dhe entuziast i bimëve, ka ndarë përvojën e tij duke treguar se kjo metodë ndihmon në forcimin e rrënjëve dhe parandalon shfaqjen e mushkonjave që zakonisht shfaqen nga ujitja e tepërt. Ai rekomandon që bima të qëndrojë në ujë për rreth 10 minuta, duke shmangur që rrënjët të kalben nga lagështia e tepërt, dhe thekson se kjo mënyrë është shumë e përshtatshme për bimët që nuk e pëlqejnë ujin në gjethe.