Një fenomen i njohur si “3pm slump” përfshin lodhje, ulje të humorit dhe irritim që ndodhin shpesh rreth orës 3 pasdite. Sipas mjekut Rangan Chatterjee, kjo gjendje lidhet me mënyrën se si trupi menaxhon nivelin e sheqerit në gjak dhe energjinë, veçanërisht kur dreka nuk përmban mjaftueshëm proteina dhe fibra. Ushqimet e ëmbla japin një energji të shpejtë, por pas saj ndodh një rënie e menjëhershme që shkakton dëshirë për më shumë sheqer dhe një cikël të lodhjes së përsëritur. Ekspertët rekomandojnë një drekë të balancuar, ecje të shkurtër pas ngrënies dhe shmangien e snack-eve të ëmbla për të parandaluar këtë lodhje, ndërsa paralajmërojnë se lodhja e vazhdueshme mund të jetë shenjë e problemeve më serioze si prediabeti.