Në muajin qershor, media italiane “Si Viaggia” ka përzgjedhur Shqipërinë si një nga 9 destinacionet më të mira për pushime bregdetare dhe malore. Shqipëria ofron plazhe të bukura që mund të krahasohen me ato të Greqisë, por mbetet një alternativë më pak e mbipopulluar, ideale për ata që kërkojnë qetësi dhe natyrë të paprekur. Udhëtarët mund të eksplorojnë bregdetin pas mbërritjes në Aeroportin Ndërkombëtar të Tiranës, duke kombinuar pushimet në plazh me ecje dhe trekking në male. Gjithashtu, gjatë verës zhvillohet “Kala Festival” në rivierën shqiptare, një ngjarje që bashkon muzikën dhe atmosferën festive me relaksin në plazh.