Sipas medias amerikane “The Week”, Shqipëria është renditur në krye të shtatë vendeve më të përballueshme për turistët që kërkojnë pushime cilësore me kosto të ulëta. Vija bregdetare shqiptare, me qytete si Saranda, Vlora dhe Himara, ofron peizazhe të mrekullueshme dhe mundësi të shumta për relaks dhe argëtim. Për adhuruesit e natyrës, Alpet Shqiptare dhe itinerari drejt Syrit të Kaltër janë destinacione të preferuara për ecje dhe eksplorim. Tirana, si kryeqytet dinamik, ofron një gamë të gjerë aktivitetesh, ndërsa Bunk’Art, një muze i artit bashkëkohor në një bunker të Luftës së Ftohtë, pasqyron historinë moderne të vendit.