Media spanjolle “HOY Aragón” ka rekomanduar Shqipërinë si një nga tre destinacionet më të mira mesdhetare për pushime në muajin shtator, së bashku me Maltën dhe Siçilinë. Ekspertët e udhëtimit theksojnë se shtatori është periudha ideale për të udhëtuar drejt Mesdheut, pasi temperaturat mbeten të ngrohta dhe plazhet janë më pak të mbipopulluara pas sezonit të lartë turistik. Shqipëria ofron jo vetëm bregdet të bukur, por edhe natyrë të pasur, kulturë dhe trashëgimi historike, duke tërhequr vëmendjen e turistëve spanjollë që kërkojnë një alternativë më të afërt dhe të larmishme. Përveç zonave bregdetare, atraksionet natyrore si ujëvara e Grunasit dhe ujërat termale të Bënjës e bëjnë Shqipërinë një destinacion të veçantë, ku çmimet më të ulëta dhe fluksi më i ulët i turistëve në shtator e bëjnë pushimin më të këndshëm dhe të përballueshëm.