Shqipëria është bërë një nga destinacionet më tërheqëse për turistët dhe nomadët digjitalë në Evropë gjatë dekadës së fundit, falë qasjes së thjeshtë dhe çmimeve konkurruese. Media amerikane “Travel of Path” thekson se anëtarësimi në Bashkimin Evropian do të sjellë ndryshime të rëndësishme, duke përfshirë rritjen e çmimeve dhe ndryshime në rregullat e hyrjes dhe qëndrimit për vizitorët e huaj. Ndërsa qytetarët shqiptarë do të përfitojnë nga lëvizja më e lirë brenda BE-së, turistët mund të përballen me më shumë kufizime dhe procedura. Shqipëria vazhdon të jetë një destinacion me potencial të madh turistik, veçanërisht për vijën e saj bregdetare, por e ardhmja e turizmit do të jetë e ndryshme pas integrimit në Bashkimin Evropian.