Revista franceze “Quartz” ka renditur Shqipërinë si një nga destinacionet më premtuese në botë për t’u vizituar para se të përballet me fluksin e turizmit masiv. Ekspertët e udhëtimeve vlerësojnë kombinimin unik të vijës bregdetare në Adriatik dhe Jon, peizazheve malore mbresëlënëse dhe kostove më të ulëta krahasuar me destinacionet e tjera të Mesdheut. Plazhet e Rivierës Shqiptare krahasohen me ato të Bregut Amalfi në Itali, por pa mbipopullimin turistik, ndërsa turizmi malor në Theth dhe Alpet Shqiptare ofron një përvojë autentike me shtigje ecjeje dhe arkitekturë tradicionale prej guri.