Sipas një raporti të “The Telegraph”, Shqipëria renditet mes 10 vendeve më mikpritëse në botë për turistët, duke u dalluar për mikpritjen e ngrohtë dhe rritjen e fortë të turizmit vitet e fundit. Riviera shqiptare me plazhet e saj me ujëra të kristalta dhe trashëgimia historike, përfshirë kështjellat bizantine dhe rrënojat romake, janë atraksione të veçanta që tërheqin vizitorë nga e gjithë bota. Zhvillimet infrastrukturore, si aeroporti i ri i Vlorës, pritet të rrisin më tej interesin për këtë destinacion mesdhetar. Turizmi në Shqipëri po evoluon drejt një modeli më të qëndrueshëm dhe gjithëvjetor, duke e bërë vendin një alternativë tërheqëse edhe jashtë sezonit të verës, ku e krahasojnë me destinacione si Turqia.