Një studim i Universitetit të Leeds ka zbuluar se konsumimi i 10 porcioneve të pemëve dhe perimeve në ditë përmirëson ndjeshëm shëndetin fizik dhe emocional të njeriut. Studimi, i udhëhequr nga Neel Ocean dhe i publikuar në revistën “Social Science & Medicine”, tregon se kjo dietë ndihmon veçanërisht në shëndetin e zemrës dhe në stabilitetin mendor, duke ulur nivelet e ankthit dhe përmirësuar ndjenjën e lumturisë. Analiza u bazua në të dhënat e mbi 50,000 personave të anketuar mes viteve 2010 dhe 2017, të cilët raportuan konsumin e frutave dhe perimeve dhe gjendjen e tyre emocionale. Përfitimet përfshijnë edhe përmirësim të performancës fizike, si rritja e kohës së vrapimit, duke treguar lidhjen mes dietës dhe mirëqenies së përgjithshme.