Një video që ka arritur mbi 28 milionë shikime tregon në mënyrë të qartë dallimet mes një fëmije me ADHD dhe një fëmije pa këtë çrregullim. Në intervista të njëjta, fëmijët pa ADHD përgjigjen qetësisht, mbajnë fokusin dhe ndjekin rrjedhën e bisedës, ndërsa fëmijët me ADHD shpesh ndërpresin përgjigjet, humbin fokusin dhe kalojnë në detaje të pa lidhura. Ata shfaqin edhe shqetësim motorik, si lëvizje të shpeshta në karrige dhe lojë me duar, duke reflektuar vështirësitë në kontrollin e impulseve dhe vëmendjen. Ekspertët theksojnë se këto dallime nuk lidhen me edukimin, por me ndryshime neurologjike, ndërsa video përforcon këtë duke krahasuar dy fëmijë gjashtëvjeçarë nga mjedise të ngjashme familjare.