Një studim i Universitetit të Oslos, i kryer nga Dr. Fulvio Castellaci dhe Henrik Schwabe, ka zbuluar se përdorimi i internetit në përditshmëri ndikon pozitivisht në disponimin dhe lumturinë e njerëzve. Hulumtimi përfshiu më shumë se 100,000 evropianë dhe mori parasysh faktorë të jashtëm si të ardhurat dhe vendbanimin për të vlerësuar lidhjen mes internetit dhe lumturisë. Rezultatet tregojnë se në moshën 18-25 vjeç nuk ka dallim të dukshëm në lumturi midis përdoruesve të internetit dhe atyre që e përdorin rrallë. Megjithatë, me moshimin, ata që kanë përdorur internetin më shpesh kanë pasur një nivel më të qëndrueshëm dhe më të lartë lumturie gjatë jetës së tyre.