Në një intervistë në Klan Kosova, gjinekologia Trina Nushi Jahjaga theksoi se numri i çifteve që përballen me infertilitet po rritet ndjeshëm. Ajo lidhi këtë fenomen me mënyrën moderne të jetesës, ku oraret e ndryshme të punës dhe mungesa e marrëdhënieve intime të rregullta ndikojnë negativisht në mundësinë e shtatzënisë. Ritmi i çrregullt i punës, përfshirë punën gjatë natës dhe aktivitetet online, po shkakton që partnerët të kenë pak kohë për t’u afruar me njëri-tjetrin. Kjo situatë po bëhet një sfidë serioze për shumë çifte që kërkojnë ndihmë për të pasur fëmijë.