Një studim ndërkombëtar i publikuar në revistën “Child and Adolescent Psychiatry” tregon se fëmijët me ADHD shpesh rriten në mjedise prindërore më të ashpra dhe me më pak mbështetje emocionale krahasuar me bashkëmoshatarët e tyre. Prindërit e këtyre fëmijëve kanë tendencë të përdorin një stil autoritar prindërimi, i karakterizuar nga disiplinë e rreptë dhe kërkesa të larta për bindje, duke shkaktuar më shumë konflikte dhe ulje të sigurisë emocionale në familje. Studimi thekson se përveç ngrohtësisë emocionale, fëmijët me ADHD kanë nevojë për struktura dhe kufij të qartë për të ndihmuar vetërregullimin e tyre, ndërsa mungesa e ndjeshmërisë në zbatimin e rregullave mund të përkeqësojë simptomat. Autorët nënvizojnë rëndësinë e edukimit dhe trajnimet për prindërit, si dhe nevojën për programe mbështetëse që ndihmojnë në menaxhimin e sjelljes së fëmijëve me ADHD, duke ndërprerë ciklin e modeleve negative të prindërimit.