Një studim i ri nga Universiteti Politeknik i Hong Kongut ka zbuluar se jo vetëm pesha e trupit, por edhe vendndodhja e yndyrës në trup ndikon në shpejtësinë e plakjes së trurit dhe rrezikun për probleme të kujtesës. Analiza e të dhënave të mbi 18 mijë personave tregoi se yndyra visceral, e grumbulluar rreth organeve të brendshme në zonën e barkut, lidhet drejtpërdrejt me dëmtimin e lëndës së bardhë të trurit, e cila është thelbësore për komunikimin mes qelizave nervore. Studiuesit mendojnë se inflamacioni kronik, i shkaktuar nga ky lloj yndyre, mund të ndikojë negativisht në funksionet e trurit, duke përfshirë lëvizjen, emocionet dhe kujtesën. Megjithëse nuk provohet shkaku direkt, reduktimi i yndyrës viscerale përmes aktivitetit fizik dhe një stili jetese të shëndetshëm mund të ndihmojë në parandalimin e sëmundjeve neurodegjenerative.