Ngjyra e veturës nuk është vetëm një zgjedhje estetike, por mund të ndikojë edhe në temperaturën brenda kabinës dhe në konsumimin e karburantit gjatë muajve të nxehtë. Veturat me ngjyra të errëta, veçanërisht të zeza, thithin më shumë rrezet e diellit dhe nxehen më shpejt, duke detyruar sistemin e klimës të punojë më shumë dhe kështu rritet konsumi i karburantit. Në anën tjetër, ngjyrat e çelëta si e bardha ose argjendi reflektojnë rrezet e diellit dhe ndihmojnë që kabina të mbetet më e freskët, duke ulur nevojën për ftohje intensive. Megjithatë, ekspertët theksojnë se ndikimi i ngjyrës është i vogël në krahasim me faktorë të tjerë si stili i vozitjes, presioni i gomave dhe mirëmbajtja e automjetit, të cilët kanë rol më të madh në konsum.