Temperaturat e larta gjatë verës ndikojnë jo vetëm në lodhjen fizike të fëmijëve, por edhe në shëndetin e tyre mendor. Psikologia Marsela Lekli shpjegon se ndryshimet në rutinë, mungesa e gjumit dhe qëndrimi i gjatë para ekraneve mund të shkaktojnë irritim, ankth dhe vështirësi në menaxhimin e emocioneve. Ajo thekson rëndësinë e komunikimit të drejtpërdrejtë mes prindërve dhe fëmijëve për të identifikuar dhe trajtuar shenjat e çrregullimeve emocionale dhe të sjelljes. Ndër këto shenja përfshihen pagjumësia dhe shpërthimet emocionale, të cilat janë pasojë e kushteve të nxehtësisë dhe kufizimeve në lëvizje gjatë vapës.