Frances Connolly nga Anglia fitoi rreth 134 milionë euro në lotari në vitin 2019 së bashku me bashkëshortin e saj, Paddy. Në vend që të shpenzonte pasurinë për luks, ajo vendosi të dhuronte më shumë se gjysmën e saj për familjarët, miqtë dhe komunitetin ku jeton. Connolly themeloi një fondacion që mbështet të moshuarit, personat e vetmuar dhe të rinjtë që kujdesen për familjarët, duke financuar projekte të ndryshme dhe shpërndarë ndihma të ndryshme. Ajo u frymëzua nga Dolly Parton dhe theksoi se, pasi fëmijët e saj ishin të sigurtë, nuk kishte kuptim të mbante gjithë atë pasuri për vete.