Një studim i ri ka zbuluar se nivelet e larta të stresit psikologjik mund të shkaktojnë humbje të shikimit, duke ndikuar drejtpërdrejt në shëndetin e syve. Përveç se humbja e shikimit shkakton stres, tani dihet se edhe stresi mund të përkeqësojë sëmundje të syve si glaukoma, retinopatia diabetike dhe degjenerimi makular i lidhur me moshën. Kjo ndodh për shkak të ndikimit të kortizolit, hormoni i stresit, që dëmton nervat dhe enët e gjakut në sy dhe tru. Shkaqet kryesore të stresit janë presioni i lartë në punë ose në shtëpi, shqetësimet dhe përgjegjësitë që mund të jenë shumë të rënda për individin.