Shumë njerëz përjetojnë simptoma të ngjashme që i bëjnë të mendojnë se vuajnë nga ankthi, ndërkohë që rrënja e problemit mund të jetë trauma e pashëruar. Ekspertët e shëndetit mendor shpjegojnë se ankthi është një reagim ndaj frikës për të ardhmen, ndërsa trauma lidhet me mënyrën se si truri përpunon një ngjarje të kaluar. Të dyja gjendjet mund të shoqërohen me simptoma si rrahje të shpejta zemre, pagjumësi dhe vështirësi në përqendrim, por personat me traumë shpesh përjetojnë rikthime kujtimesh dhe makthe. Specialistët theksojnë se trajtimi ndryshon dhe vetëdiagnostikimi përmes rrjeteve sociale mund të jetë i rrezikshëm për shkak të mbivendosjes së simptomave.