Njollat në muret e shtëpisë, të shkaktuara nga gjurmët e gishtërinjve, yndyra apo vizatimet e fëmijëve, mund të hiqen me metoda të thjeshta dhe të lira pa pasur nevojë për lyerje me gëlqere. Një nga mënyrat më efektive është përdorimi i sodës së bukës të përzier me ujë, e cila aplikohet si pastë dhe fshihet butësisht me leckë të butë për të shmangur dëmtimin e bojës. Për njolla më të vështira, rekomandohet një përzierje me sodë buke, lëng për larjen e enëve dhe disa pika peroksid hidrogjeni që ndihmojnë në zbërthimin e yndyrës dhe largimin e njollave të errëta. Ekspertët këshillojnë të shmanget fërkimi agresiv me sfungjerë të ashpër, duke preferuar lëvizje rrethore të buta, ndërsa në rrjetet sociale përmenden edhe përdorimi i pecetave të lagura dhe zbutësve të holluar për njollat më të vogla.