Luleshtrydhet janë fruta shumë të dashura, por për shkak të mënyrës së kultivimit dhe kontaktit me tokën, ato shpesh përmbajnë mbetje pesticide dhe papastërti të ndryshme. Kjo i bën të domosdoshme larjen e tyre të kujdesshme për të shmangur rreziqet shëndetësore, sidomos për fëmijët dhe personat me imunitet të dobët. Për të larë siç duhet luleshtrydhet, rekomandohet të mos hiqni kërcejtë para larjes, t’i zhysni në ujë të ftohtë për 5-10 minuta, mund të shtoni uthull ose sodë buke për pastrim më të mirë, dhe më pas t’i shpëlani nën ujë të rrjedhshëm. Një gabim i zakonshëm është larja e tyre shumë herët dhe ruajtja në frigorifer, që shkakton lagështirë dhe myk, ndaj luleshtrydhet duhet të lahen vetëm para konsumimit.