Kolla dhe bllokimi i rrugëve të frymëmarrjes ndikojnë negativisht në gjumë dhe aktivitetet e përditshme. Mjekët rekomandojnë përdorimin e lëngjeve të ngrohta, ndër të cilat çajrat bimorë me xhenxhefil, trumzë (ose timus), mjaltë dhe limon janë shumë efektivë për pastrimin e rrugëve të frymëmarrjes dhe luftimin e kollës. Trumza përdoret prej shekujsh për trajtimin e çrregullimeve të frymëmarrjes, ndërsa xhenxhefili ndihmon në shërimin e shpejtë të fytit dhe shkatërrimin e virozave. Një recetë e thjeshtë përgatitet duke zier xhenxhefilin në ujë, më pas duke shtuar limon, trumzë dhe mjaltë për të krijuar një çaj që mund të pihet dy deri tri herë në ditë për lehtësimin e simptomave të ftohurës.