Cilësia e gjumit ndikohet jo vetëm nga stresi apo koha para ekranit, por edhe nga ushqimi dhe koha kur hamë. Për të fjetur më mirë, vakti i mbrëmjes duhet të jetë i lehtë, me proteina të moderuara dhe pak yndyrë, dhe të konsumohet 2-3 orë para gjumit. Ushqimet e pasura me triptofan, si vezët, kosi dhe arrat, si dhe perimet dhe frutat, ndihmojnë në prodhimin e melatoninës dhe përmirësojnë cilësinë e gjumit, ndërsa ushqimet e rënda, kafeina, alkooli dhe konsumimi i tepërt i lëngjeve para gjumit shkaktojnë ndërprerje dhe gjumë të cekët. Gjumi i dobët ndikon negativisht në hormonet që rregullojnë oreksin, duke rritur rrezikun për inflamacion, hipertension dhe shtim në peshë, ndaj ndryshimet e vogla në dietë dhe zakonet e të ngrënit mund të sjellin një gjumë më të thellë dhe më të qëndrueshëm.