Përdorimi i tharëses, hekurit apo figaros pa mbrojtje ndaj nxehtësisë mund të shkaktojë dëmtime të mëdha në flokë, duke i bërë ato të thatë, të brishtë dhe pa shkëlqim. Temperaturat e larta ndikojnë drejtpërdrejt në strukturën e fijes së flokut, duke i hequr lagështinë natyrale dhe duke i bërë më të ndjeshëm ndaj këputjeve dhe majave të çara. Për të shmangur këtë, ekspertët këshillojnë përdorimin e një produkti mbrojtës nga nxehtësia që duhet vendosur në flokë të lagësht para tharjes ose stilimit, pasi vajrat dhe maskat nuk ofrojnë mbrojtje të drejtpërdrejtë. Gjithashtu, është e rëndësishme të mos përdoret temperatura shumë e lartë dhe të mos kalohen disa herë me hekur mbi të njëjtën tufë flokësh, për të ruajtur shëndetin dhe shkëlqimin e tyre.