Studimet e fundit tregojnë se simptomat e atakut kardiak te femrat ndryshojnë nga ato te burrat dhe shpesh janë më të vështira për t’u identifikuar. Femrat përjetojnë shpesh vështirësi në frymëmarrje, dhimbje në pjesën e sipërme të trupit si qafë, shpinë, nofull dhe krahë, si dhe simptoma të tjera si të përziera, të vjella dhe stomak i irrituar. Lodhja e vazhdueshme dhe problemet me gjumin mund të jenë paralajmërime të rëndësishme, pasi shumë gra raportojnë këto shenja një muaj para sulmit. Gjithashtu, djersitja e ftohtë dhe ndjesia e presionit të madh në gjoks janë sinjale që nuk duhet të injorohen.