Akademia e Turizmit organizon në shtator një trajnim profesional për kamarierë, i fokusuar në aftësitë praktike dhe komunikimin me klientët në sektorin e gastronomisë. Programi përfshin mësimin e teknikave profesionale të shërbimit, etikës në punë, organizimit të restorantit dhe punës në ekip, duke përgatitur pjesëmarrësit për situata reale në punë. Trajnimi zhvillohet nga trajnerë ndërkombëtarë me përvojë dhe pas përfundimit, pjesëmarrësit marrin certifikatë të njohur globalisht nga American Hotel & Lodging Educational Institute (AHLEI). Iniciativa mbështetet nga projekti Matching Skills to Jobs – MSJ, i financuar nga Agjencia Zvicerane për Zhvillim dhe Bashkëpunim dhe implementohet nga Swisscontact.