Plakja sjell ndryshime të pashmangshme në trup si ndjeshmëri e ulët, humbje të kujtesës dhe dobësim të aftësive fizike, por mënyra se si ushqehemi mund të ndikojë shumë në zvogëlimin e këtyre efekteve. Sipas OBSH-së, kequshqyerja është një nga shkaqet kryesore të sëmundjeve tek të moshuarit, ndaj marrja e ushqyesve të duhur është thelbësore për funksionimin e mirë të organeve dhe shëndetin e përgjithshëm. Ushqimet që përmbajnë acide yndyrore omega-3, kalcium, hekur, vitaminë D dhe vitaminë B12 ndihmojnë në ruajtjen e shikimit, forcimin e eshtrave, përmirësimin e qarkullimit të oksigjenit dhe funksionimin nervor. Këto përbërës mund të gjenden në produkte natyrale si avokado, peshk, qumësht, arrat dhe drithërat, duke ofruar një bazë ushqimore të domosdoshme për një plakje më të shëndetshme dhe më të lehtë.